AVISO LEGAL E TERMOS DE USO
No cumprimento co deber de información recollido no artigo 10.º da Lei 34/2002, de 11 de xullo, de servizos da sociedade da información e do comercio electrónico, infórmase de que o sitio web “www.axendabarbanza.gal” é titularidade da Mancomunidade de Municipios Ría da Arousa Zona Norte, en diante “Mancomunidade Barbanza Arousa”, entidade localizada na praza de Galicia, s/n, 15930, Boiro, A Coruña, co NIF P1500018E, co correo electrónico correo@arousa-norte.es e co teléfono de contacto 981 845 236.
A Mancomunidade Arousa Norte é titular do dominio axendabarbanza.gal, cuxo acceso é de carácter gratuíto e creado para dar a coñece-las actividades e servizos que se realizan no ámbito local da Barbanza Arousa: os concellos de Ribeira, A Pobra do Caramiñal, Boiro e Rianxo.
A información que se contén, procedente de fontes propias ou de terceiras persoas, non constitúe a prestación dun servizo profesional nin é unha fonte de asesoramento, salvo que especificamente así se recolla, en cuxo caso a persoa usuaria se somete ás condicións particulares referidas ó dito servizo.
TERMOS E CONDICIÓNS DE USO
Toda a persoa que acceder a este sitio web considerarase usuaria, comprometéndose á observancia e cumprimento rigoroso das disposicións aquí expostas, así como a calquera outra disposición legal que for de aplicación.
O acceso ó sitio web www.axendabarbanza.gal implica a aceptación dos termos de uso, e a persoa usuaria comprométese a non utiliza-lo sitio web e os servizos ofrecidos nel para a realización de actividades contrarias á lei.
A consulta de www.axendabarbanza.gal proporciona o acceso á información de servizos, eventos e actividades do destino Barbanza Arousa (concellos de Ribeira, A Pobra do Caramiñal, Boiro e Rianxo) a través da Internet.
A persoa usuaria comprométese a facer un uso adecuado dos contidos e servizos ofrecidos pola Mancomunidade Barbanza Arousa.
PROPIEDADE INTELECTUAL E INDUSTRIAL
Os dereitos da propiedade intelectual e industrial corresponden con carácter exclusivo á Mancomunidade de Municipios Barbanza Arousa, que reserva para si o dereito a actualizar, modificar ou elimina-la información contida no seu sitio web, e que poderá inclusive limitar ou non permitir o acceso á dita información. Ademais, reserva para si tódolos dereitos sobre as imaxes, textos, marcas, logotipos etc.
En virtude do disposto nos artigos 8 e 32.1, parágrafo segundo, da Lei de propiedade intelectual, quedan expresamente prohibidas a reprodución, a distribución e a comunicación pública, incluída calquera modalidade de posta á disposición da totalidade ou parte dos contidos desta páxina web, con fins comerciais, en calquera soporte e por calquera medio técnico, sen a autorización desta entidade.
A persoa usuaria comprométese a respecta-los dereitos de propiedade intelectual e industrial titularidade desta entidade. Poderá visualiza-los elementos do portal e inclusive imprimilos, copialos e almacenalos no disco duro do seu ordenador ou en calquera outro soporte físico sempre e cando sexa, única e exclusivamente, para o seu uso persoal e privado.
As persoas usuarias recoñecen esta advertencia sobre a propiedade intelectual e industrial como un mecanismo de proba fronte a usurpacións por parte de terceiras persoas alleas e non autorizadas. A persoa titular declara mediante estas advertencias a reserva de dereitos de propiedade intelectual e industrial do contido do sitio web fronte a posíbeis utilizacións por parte de terceiras persoas.
LIGAZÓNS
Quen ten a titularidade de www.axendabarbanza.gal non é responsábel da información e demais contidos integrados en espazos ou páxinas web de terceiras persoas, accesíbeis dende www.axendabarbanza.gal mediante ligazóns ou outros vínculos da web, nin da información e demais contidos integrados en espazos ou páxinas web de terceiras persoas dende os cales se acceda mediante ligazóns ou outro tipo de vínculos ó lugar web www.axendabarbanza.gal, nin da información e contidos de calquera páxina web de terceiras persoas que se presente baixo a aparencia ou signos distintivos da entidade, salvo a autorización expresa desta última.
Quen ten a titularidade do dominio non se responsabiliza da veracidade dos contidos ou prexuízos daquelas informacións que non sexan propias. En ningún caso se fai responsábel dos datos e prexuízos de calquera natureza que poidan ocasiona-los erros ou omisións nos contidos ou a falta de dispoñibilidade. Ademais, non garante o acceso continuado, nin a correcta visualización, descarga ou utilidade dos elementos e información contidos no noso sitio web, que poden verse impedidos, dificultados ou interrompidos por factores ou circunstancias fóra do seu control.
Así mesmo, quen ten a titularidade reserva para si o dereito a denegar ou retira-lo acceso ó portal ou ós servizos ofrecidos sen necesidade de preaviso, á instancia propia ou dunha terceira persoa, a quen use o portal incumprindo os presentes termos de uso.
Estas condicións de uso poderán ser modificadas en calquera momento, sen aviso previo e sempre que se considerar oportuno, podendo cambiar, suprimir ou engadir tanto os contidos coma os servizos que se presentan a través do dito portal e coa forma que se considerar oportuna. As presentes condicións estarán vixentes ata que sexan modificadas e se publiquen outras nesta mesma ligazón web.